کورونا وائرس‘ شنگھائی کمکا رتنظیم آن اسیجائی کوشست نا گرج ءِ، قریشی

اسلام آباد (اے پی پی) وزیر خارجہ مخدوم شاہ محمود قریشی پارینے کہ پاکستان، شنگھائی کمکار تنظیم ءِ اسہ اہم ءُ فورم اس تکک، دین انا تالانی ءِ توننگ کن شنگھائی کمکار تنظیم نا پلیٹ فارم نا کمک اٹ اسیجا کوشست آتے کاریم اٹ اتنگ نا گرج ءِ ۔ وزیر خارجہ شنگھائی کمکار تنظیم نا سیکرٹری جنرل ولادی میر نوروف تون ٹیل فون آ رابطہ کرے۔ ہڑتوم آ راہشون تا نیام اٹ کورونا نا جہانی دین انا تالانی ءِ توننگ و داجہانی چیلنج اتون مون تننگ کن گچین ءُ لائحہ عمل اس تینا کننگ نا بابت سرجم گپ وتران مس۔ ترجمان دفترخارجہ نا رداٹ وزیر خارجہ سیکرٹری جنرل ایس سی او ءِ دا جہانی دین انا چیلنج اتون مون تننگ کن پاکستان نا کنڈآن کروک آ کوشست آتیان معلومدار کرے۔