نائب وزیراعظم اسحاق ڈار مدینہ منورہ غا سر مس

اسلام آباد، نائب وزیراعظم و وزیر خارجہ محمد اسحاق ڈار سعودی عرب اٹی مروک اہم اسٹریٹجک سیاسی و دفاعی دیوان اٹی بشخ ہلنگ کن مدینہ منورہ غا سر مس، ہراڑے او روضہ رسول ﷺ آ حاضری تس و پاکستان نا سلامتی، امن و شونہالی‘ الس و امت مسلمہ نا گچینی کن خصوصی دعا کرے۔ ترجمان دفترِ خارجہ نا رِد اٹ اسحاق ڈار نا مدینہ منورہ غا سر مننگ آ سعودی وزارت خارجہ نا مدینہ برانچ نا ڈائریکٹر جنرل، سعودی رائل پروٹوکول و پاکستانی کمامدار آک اودے بخیر کریر۔‘ سعودی عرب اٹی پاکستان نا سفیر و جدہ ٹی پاکستان نا قونصل جنرل ہم داوخت آ ساڑی ئس۔ نائب وزیراعظم و وزیرِ خارجہ روضہِ رسول ﷺ آ حاضری نا وخت آ پاکستان نا امن و شونہالی‘ الس و امت مسلمہ نا گچینی تون اوار علاقائی امن و سوگوی کن ہم دعا کرے۔