غزہ مارچ فلسطینی مسلمان تتون یکجہتی نا درشانی ءِ‘ حافظ نعیم

اسلام آباد، امیر جماعت اسلامی پاکستان حافظ نعیم الرحمن پارینے کہ غزہ مارچ فلسطینی مسلمان تتون یکجہتی نا درشانی نا ڈیک ءِ‘ پاکستان نا زمواری ءِ کہ او فلسطینی الس نا حق اٹی گچین توار چست کیے‘ او پارے کہ جماعت اسلامی بیرہ برانز اسکان سلپک بلکہ الخدمت نا کمک اٹ فلسطین اٹی کنشت و طبی کمک ہم فراوان کننگ اٹی ءِ‘ حافظ نعیم الرحمن پارے کہ پاکستان نا الس نا کنڈ آن فراوان کروک فنڈآتیان فلسطینی تا کمک برجا ءِ‘ وخت اس کہ مصر اٹی دفتر جوڑ کرسا غزہ غان بروک خاہوت آتا کمک اٹ ہم کننگ انگ ءِ‘ او پارے کہ 7 اکتوبر آ مچ آ پاکستان اٹی غزہ تون یکجہتی کن مارچ کننگک امیر جماعت اسلامی فلسطین نا حالیت آ جہانی برادری نا کڑد ءِ بھاز نااومیتی نا سوب گوندسا پارے کہ غزہ ٹی جنگ بندی آن پد ہم فلسطینی تا شہادت و ٹھپی مننگ نا ریسہ برجا ءِ۔