استاد راج اٹی علم، شعور شون تننگ نا بنداوی وسیلہ ءِ‘ سیدال خان ناصر

اسلام آباد، قائم مقام چیئرمین سینٹ سیدال خان ناصر استاد آتا جہانی دے آ مچ آ ملک انا استاد آتے خراجِ تحسین پیش کرسا پارینے کہ استاد راج اٹی علم، شعور و مثبت قدر شون تننگ نا بنداوی وسیلہ ءِ‘ سیدال خان ناصر پارے کہ استاد آک ورنا چین نا فکر و آخبت نا جوڑ کننگ اٹ اہم کڑد ادا کیرہ‘ سوگو و شون ہلوک پاکستان کن علم و پٹ وپول آن شپ چین نا تیاری المی ءِ‘ او پارے کہ استاد آتے پوسکنوڑ تعلیمی وسیلہ و کسبی ہیلکاری نا وارخواہی فراوان کننگ المی ءِ‘ وخت اس کہ ڈیجیٹل دور اٹی استاد آتے پوسکنوڑ ٹیکنالوجی و پوسکنوڑ تعلیمی رجحان تتون ہمگرنچ کننگ وخت انا گرج ءِ‘ قائم مقام چیئرمین سینٹ پارے کہ آب اٹنگا تعلیم نا شون تننگ کن استاد آتا کاریمی واکداری کچ اٹ ودکی کننگک۔