استاد آتا خواری و قربانیک پاکستان نا روشنا آخبت نا بنداو ءُ، بلاول بھٹو

اسلام آباد، پیپلز پارٹی نا چیئرمین بلاول بھٹو زرداری استاد آتا جہانی دے آ مچ آ ملک انا استاد آتے مبارک بادی ترسا اوفتا خذمت، خواری و قربانی تے خراجِ تحسین پیش کرینے۔ تینا کلہو اٹی بلاول بھٹو زرداری پارے کہ استاد آتا خواری و قربانیک پاکستان نا روشنا آخبت نا بنداو ءُ، استاد بیرہ نصاب خوانفپک بلکہ شاگرد آتیٹی شعور، تنقیدی فکر و سوج کننگ نا ہمت ودی کیک۔ استاد آک پوسکن آ چین اٹ گچین راج جوڑ کننگ نا لائخی ہم ودی کیرہ۔ او پارے کہ استاد آتے شرف‘ جوان آسراتی‘ کسبی آجوئی و گچین چاگڑد فراوان کننگ ریاست نا زمواری ءِ‘ آب اٹو تعلیم و استاد آتا آسودہی آ چکار کننگ ملک انا آخبت اٹی زرکاری ءِ‘ بلاول بھٹو پارے کہ استاد‘ خاص وڑ اٹ پرائیویٹ تعلیمی ادارہ غاتا استاد آتا تنخواہ تیٹی انصاف اٹ ودکی کننگے۔