وزیراعظم تون پولینڈ نا وزیر و کوآرڈینیٹر خصوصی خذمت نا اوڑدہی

اسلام آباد، وزیراعظم محمد شہباز شریف تون پولینڈ نا وزیر، کونسل آف منسٹرز نا باسک و کوآرڈینیٹر خصوصی خذمت ٹوماش شیمونیاک اوڑدہی کرے‘ وزیراعظم پاکستان و پولینڈ نا تعلقداری تیٹی مثبت پیشرفت آ است جمی نا درشانی ءِ کرسا پارے کہ پاکستان دا تاریخی سنگتی ءِ مریس وختی‘ سوگو و کثیر الجہتی شریداری ٹی بدل کننگ خواہک‘ وزیراعظم ہڑتوم آ ملک آتا نیام اٹی زوت آتیٹ رابطہ غاتا جاچ ءِ ہلسا ہڑتوم آ تعلقداری تا شون تننگ کن بڑزکو کہولی سرکڑدہ غاتا دورہ غاتا اہمیت آ زور شاغا۔ وزیراعظم ہڑتوم آ ملک آتا واپاری برادری تا نیام اٹی رابطہ آتے پین شون تننگ نا گرج آ ہم زور شاغا۔ وزیراعظم یورپی یونین نا جی ایس پی پلس اسکیم نا حوالہ اٹ پاکستان نا مخ تفی آ پولینڈ نا منتواری ءِ ہرفے۔