ڈپٹی کمشنر کوئٹہ نا بلوچستان یونیورسٹی ٹی پوسکنوڑ آئی ٹی لیب انا دورہ

کوئٹہ، ڈپٹی کمشنر کوئٹہ مہراللہ بادینی بلوچستان یونیورسٹی ٹی پوسکن جوڑ مروک پوسکنوڑ آئی ٹی لیب انا دورہ ءِ کرے و ڈٹ آ برجا تفوئی کاریم نا پیشرفت نا جاچ ءِ ہلک‘ دا وخت آ ایکسین، تعلقدار انجینئر، اسسٹنٹ کمشنر کوئٹہ سٹی و کنٹریکٹر تون اوار ایلو تعلقدار کمامدار آک ہم اوڑتون اوار ئسر‘ ڈپٹی کمشنر آئی ٹی لیب انا جتاجتا بشخ آتا دورہ ءِ کرسا تفوئی کاریم نا آب‘ پیشرفت و ایلو بست وبند آتا جاچ ءِ ہلک‘ دورہ نا وخت آ آئی ٹی لیب، کانفرنس روم، آئی ٹی روم، ہیڈ ایڈمنسٹریشن روم، کیبن و ایلو تفوئی بشخ آتا جاچ ءِ ہلک‘ تعلقدار کمامدار و کنٹریکٹر نا کنڈ آن ڈپٹی کمشنر ءِ ڈت آ برجا کاریم و پوروی نا رد اٹ بریفنگ ہم تننگا۔ ڈپٹی کمشنر کوئٹہ مہراللہ بادینی پارت کرے کہ ڈٹ انا سلوک کاریم ءِ پک کروک آب انا رد اٹ زوت پورو کننگے۔ او پارے کہ پوسکنوڑ آئی ٹی لیب طالب علم آتے پوسکنوڑ ٹیکنالوجی و آئی ٹی نا آسراتی تا فراوانی ٹی کمکار مریک۔ تعلقدار کمامدار آتا رِد اٹ پوسکنوڑ آئی ٹی لیب انا تفوئی کاریم گڈیکو ریسہ ٹی سرمسنے وڈٹ ءِ زوت پورو کرسا فعال کننگ کن گام گیج آک برجاءُ۔