ملک اٹی نُت پین کبین، 20 کلو نا لوت مسہ ہزار ءِ سر مس

ادارہ شماریات نا کاغد آتا رِد اٹ ملک اٹی 20 کلو نُت انا لوت انا کل آن زیات نہاد 2900 روپئی اسکان سر مسنے و کراچی نا شاریک ملک اٹی کل آن زیات کبین نت ہلنگ اٹی ءُ۔ ادارہ شماریات پارے کہ کراچی ٹی 20 کلو نُت انا لوت انا نہاد 2900 روپئی اسکان ءِ، اسلام آباد، کوئٹہ و خضدار اٹی 20 کلو نُت انا لوت انا نہاد 2800 روپئی وخت اس کہ پشاور اٹی 20 کلو نُت انا لوت انا نہاد 2750 روپئی اسکان سر مسنے۔ ادارہ شماریات پارینے کہ راولپنڈی ٹی 20 کلو نُت انا لوت انا نہاد 2747 روپئی، حیدرآباد اٹی 2740 روپئی اسکان و بنوں ٹی 2700 روپئی اسکان ءِ۔ ادارہ شماریات نا رِد اٹ سکھر اٹی 20 کلو نُت انا لوت انا نہاد 2560، لاڑکانہ ٹی 2500 روپئی اسکان، ملتان اٹی 2420 روپئی، گوجرانوالہ و بہاولپور اٹی 2400 روپئی اسکان ءِ وخت اس کہ سیالکوٹ اٹی 20 کلو نُت انا لوت انا نہاد 2333 روپئی و فیصل آباد اٹی 2300 روپئی اسکان سرمسنے۔