ایئرفورس نا گروپ کیپٹن عاصم نیاڑی اسے بچفنگ نا وخت آ شہید

ایئرفورس نا بہادر گروپ کیپٹن عاصم اسہ نیاڑی اسے بچفنگ نا وخت آ شہید مس۔ بنائی حوال آتا رِد اٹ گروپ کیپٹن عاصم نائنتھ ایوینیو آن تدینگ انگ ئس کہ او اسہ موٹر سائیکل اسے آن نیاڑی اسے دڑنگ آ خنا ہرانا دوءِ موٹر سائیکل سوار چکاکہ۔ گروپ کیپٹن عاصم اسہ زموار ءُ شاری اسے نا وڑاٹ پدی بس و موٹر سائیکل نا خڑک آ سلیس ہراڑان نیاڑی گاڈی نا ارٹمیکو کنڈ آ نَرّا۔ ہندا وخت آ پاننگوک دوبہ دار سعد گروپ کیپٹن عاصم تون جنگ لگا و اوڑا سم کاری کرے ہراڑے او ٹھپی مس۔ اوکان گڈ گروپ کیپٹن عاصم ٹھپ آتا سوب آن زوال مس۔ وخت اس کہ دوبہ دار جاگہ غان نرا۔ پولیس نا رِد اٹ نیاڑی پارے کہ دوبہ دار اونا دفتر اٹی اوار کاریم کریک ہرا اودے کاریم آ اوار ہننگ نا سلاہ تسوسس ولے کسر ءِ بدل کرسا اودے پین ہند اسے آ دننگ خواہسکہ‘ ہراناسوب آن اودے تین تون دننگ کن زوراکی کریکہ۔