بھارت پاکستان آ جلہو کن فالس فلیگ آپریشن نا بہانہ پٹنگ ءِ، عمران خان

0

Get real time updates directly on you device, subscribe now.

اسلام آباد (اے پی پی) وزیراعظم عمران خان پاکستانءِ شست کننگ کن فالس فلیگ آپریشن نا بہانہ ءِ پٹنگ نا پدریسہ بھارتی کوشست آتا بارواٹی دنیا ءِ پامدار کرسا پارینے کہ کنٹرول لائن نا ایپار آن دراندازی نا پوسکن آ بے بنداو بھارتی دوبہ غاک دا خطرناک ایجنڈا نا چرجوئی ءِ۔ چارشنبے نادے آ تینا ٹویٹ اٹی اوپارے کہ بھارت نا برخلاف کشمیری تا جہد ہندی و کشمیری تیا بھارتی جور و بربریت نا براہ راست نتیجہ ءِ۔ آرایس ایس۔ بی جے پی اتحاد نا فاشٹ پالیسیک سنگین خطرہ ودی کرینو۔ جہانی برادری بھارت نا آمخ آ حرکت آتے ٹی سویلی ایشیا نا امن و سلامتی ءِ خطرہ غان مست تینا بے عملی ءِ یلہ کے۔ داکان بیدس وزیراعظم عمران خان پارینے کہ اسلامی تعلیمات، تاریخ و تمدن و اسلامی راج آتا خصلت آتے تالان کننگ اٹ ننا میڈیا نا کلیدی ءُ کڑد اسے، کوروناریلیف فنڈ انا بابت پاکستانی تا جوزہ ستاکڑزک۔ انسانیت نا خذمت نا ہندا جوزہ ننا راج انا اصل طاقت و جوانی ءِ۔ وزیراعظم آفس نا میڈیا ونگ آن جاری بیان نا رداٹ داخیال آتا درشانی ءِ او چارشنبے نادے آ سینیٹر فیصل جاوید تون اوڑدہی ٹی کرے۔ اوڑدہی ٹی مسلم ملک آتا نیام اٹ تہذیب و دودوربیدگ و فنون لطیفہ نا بشخ اٹی کمکاری ءِ مون آ دننگ نا بابت گپ وتران کننگا۔ اوڑدہی ٹی خاص وڑاٹ کوروناریلیف فنڈ انا بابت ہم گپ وتران کننگا۔ وزیراعظم عمران خان پارے کہ اسلامی تعلیمات، تاریخ و تمدن و اسلامی راج آتا خصائل آتے تالان کننگ اٹ ننا میڈیا نا کلیدی ءُ کڑد اسے۔ اوپارے کہ ساڑی دور اٹی گرج داہیت انا ءِ کہ انسانیت نا شرف و احساس والا قدر ءِ تالان کننگے۔ ساڑی حالیت آتیا ہیت کرسا وزیراعظم پارے کہ ننا دین ننے ڈکھیا و خوار مروک آ انسانیت نا کمک ءِ کننگ نا ہیل ایتک۔ اوپارے کہ پاکستانیک چائے دنیا نا ہراکہ کونہ ٹی رہینگر مشکل نا داساہت اٹی او تینا وطن والاتتون ہم کوپہ مریرہ۔ اوپارے کہ انسانیت نا خذمت نا ہندا جوزہ ننا راج انا اصل طاقت و جوانی ءِ۔ اوپارے کہ کوروناریلیف فنڈ انا بابت پاکستانی تا جوزہ ستاکڑزک۔ سینیٹر فیصل جاوید وزیراعظم ءِ کوروناریلیف فنڈ انا بابت پاکستانی تا مثبت ردعمل نا بابت معلومدار کرے۔

Get real time updates directly on you device, subscribe now.

Leave A Reply

Your email address will not be published.