کورونا نا رکھی گام گیج آتیا عمل کپروک درملکی تے ڈی پورٹ کننگک، سعودی عرب

0

Get real time updates directly on you device, subscribe now.

ریاض( آن لائن) سعودی وزارت داخلہ پڑو کرینے کہ مملکت اٹی اگہ درملکی اس پک کروک ایس او پی تا خلاف ورزی ءِ کرے تو اودے ڈی پورٹ کننگک۔ و اونا دوارہ مملکت اٹ پترینگ آ رکھ خلنگک۔ سعودی عرب نا وزارتِ داخلہ کورونا وائرس ءِ تالانی آن توننگ کن پڑو کروک رکھی گام گیج آتا خلاف ورزی آ پوسکن ءُ ڈنڈ و قید انا سزا نا پڑو کریے۔ و داسہ خلاف ورزی کرک آتے 10 لکھ ریال اسکان نا ڈنڈ و پنچ سال اسکان قید انا سزا بنفنگانے۔ کورونا وائرس نا بابت سوشل میڈیا یا ذاتی حیثیت اٹ ہوکا یا غلط معلومداری تالان کروک آ بندغ آتیا10 لکھ اسکان ڈنڈ بیٹ کننگک، و اوفتے پنچ سال اسکان قید انا سزا ہم تننگ مریک۔ دا ڈوہ انا کم آن کم ڈنڈاسہ لکھ ریال مریک۔ وزارت داخلہ نا پوسکن آ جاری کروک کانود آتیٹی اسہ بندغ آن پین بندغ اسے ٹی رزاک آ کورونا وائرس گدریفنگ نا گام ءِ اسہ بھاز بھلو خلاف ورزی اس تکنگک۔ و دا وڑ کروک آ بندغ آ پنچ لکھ ریال اسکان ڈنڈ بیٹ کننگ مریک۔ سعودی عرب کورونا وائرس ءِ تالان مننگ آن توننگ کن کیہی انتظامی گام گیج آتے درستی راستی کرفینے و مچ آ ملک اٹی شار تے ٹی پورو یا گڈل لاک ڈاﺅن کرینے۔کمامدار آک کرفیو نا وخت آ المی کاریم تا رد اٹ اُرا تیان پیشن ہنوک آ بندغ کن پرمٹ نا نظام اس درستی راستی کرفینے، ہمو بندغ آک کمامدار آتیان موکل کاغد ہلسا پک کروک وخت آ تینا اُرا تیان پیش تمنگ کیرہ۔ ولے دا موکل کاغد ءِ پک کروک فسری روٹ و پک کروک وخت آن بیدس کاریم اٹ اتنگ مفک، ہرکس دانا خلاف ورزی ءِ کرے تو اوڑا 2700 ڈالر آن27000 ڈالر اسکان نا ڈنڈ بیٹ کننگ مریک۔ یا گڑا اسہ سال اس قید انا سزا بنفنگ مریک۔

Get real time updates directly on you device, subscribe now.

Leave A Reply

Your email address will not be published.