تفتان اٹ لاک ڈاﺅن و سیم انا بند مننگ نا سوب آن الس خوار مننگ ءِ
Get real time updates directly on you device, subscribe now.
تفتان (آن لائن) پاک ایران سیمی شار تفتان اٹ لاک ڈاﺅن و سیم انا بند مننگ آن الس خوار مننگ ءِ۔ زیرو پوائنٹ گیٹ انا بند مننگ آن دیہاڑی کروک آک فریشان ءُ‘ حکومتی کمک ہم داسکان سہی معنہ اٹ سرمتنے ہرانا سوب آن الس فریشان ءِ‘ کورونا وائرس نا گمانی تالانی ناسوب آن حکومت سیم اتون گنڈوک کل پوائنٹ آتے بند کرینے ہرانا سوب آن سیمی شار تفتان اٹ بے روزگاری نا کچ بھاز ودانے ولے حکومت نا دعوی تیان چَپ داسکان غریب الس ءِ راشن رسینگ پننگ ءِ‘ داڑتون اوار پاکستان ءِ 3 ارب روپئی نا نسخان مننگ اٹی ءِ‘ یونین کونسل تفتان ہراکان کسٹم ہاﺅس تفتان اٹ ہڑدے شش آن ہفت کروڑ روپئی ریونیو مچ مسکہ ۔23 فروری آن حکومت پاکستان نا پرمان نا رد اٹ سیم ءِ ہر وڑ انا واپاری کن بند کننگانے ہرانا سوب آن پوریاگر تتون اوار ہڑدے دیہاڑی کروک آ مزورتا اُراتے ٹی بین جاگہی مسنے۔