خواست آتیا عملدرآمد مفننگ آ چاغی فوڈ سکیورٹی کمیٹی نا باسک آک استیفہ تسر
Get real time updates directly on you device, subscribe now.
چاغی (آن لائن) آل سیاسی پارٹیز و پینل تیا ساڑی ڈسٹرکٹ فوڈ کمیٹی چاغی و اسسٹنٹ کمشنر دالبندین نا نیام اٹ مذاکرات نا ہچ ءُ بھرم اس بتو۔ یات سلے کہ ڈی سی چاغی راشن بشخنگ و حقدار دیہاڑی دار بندغ آتا پن تا لڑ ءِ جوڑ کننگ کن آل سیاسی پارٹی و پینل تیا تالان ڈسٹرکٹ فوڈسکیورٹی کمیٹی ٹہیفیسس ولے ڈی سی چاغی ناکنڈآن راشن تننگ نا مرحلہ بنا کرے تو کمیٹی ءِ پت اٹ ہلنگتو و نئے اوفتا تروک لڑ انا بندغ آتیان کس ءِ راشن تننگا۔ راشن نا بے انصافی وڈکوک وڑ اٹ بشخنگ آ فوڈسکیورٹی کمیٹی نا غٹ باسک آک گڑتی درشان کریر‘ دا باندات اسسٹنٹ کمشنردالبندین تون کیہی وار مذاکراتی نشست مس ہرا بے نتیجہ غان چٹا‘ ہراڑان گڈ ڈسٹرکٹ فوڈ سکیورٹی کمیٹی نا غٹ باسک ہرافتا تعلقداری سیاسی جماعت و پینل تیان ءِ امنائی اٹ فیصلہ کرسا کمیٹی نا ممبرشپ آن برانزی وڑ اٹ استیفہ تننگ ناپڑو کریر۔