اکادمی ادبیات نا کنڈآن آن لائن انٹرنیشنل سچل سرمست کانفرنس اینو مریک

اسلام آباد (اے پی پی) اکادمی ادبیات پاکستان نا کنڈآن آن لائن انٹرنیشنل سچل سرمست نا بناءِ بنجائی وزیر تعلیم و کسبی تربیت و قومی میرات و دودوربیدگ شفقت محمود کیک۔ کماشی ءِ مہتاب اکبر راشدی کیک۔ انٹرنیشنل سچل سرمست ہفت زبان صوفی شاعر سچل سرمست نا 199می عرس انا وخت آ اکادمی ادبیات پاکستان آن اینو(07مئی 2020ءآ) بیگہ نا 5بجہ غا آن لائن مریک۔ سچل کانفرنس صوفی تا افکار و اوفتا کلہو امن، اخوت ، مہر و مریبت ، ایلمی ءِمون آ دننگ ، پاکستان نا سوفٹ دروشم ءِ تالان کننگ و سچل سرمست ءِ خراج عقیدت پیش کننگ کن اڈتننگ انگ ءِ۔ کانفرنس اٹی ڈاکٹر یوسف خشک، چیئرمین اکادمی ابتداہ پیش کیرہ۔ کانفرنس نا بناءِ سچل نا درگاہ آن براہ راست فقیر ایاز ملاح و ساتھی نا توار اٹ کلام پیش کننگک۔ انٹرنیشنل سچل کانفرنس سچل شناس ادیب و دانشور آتے ٹی ڈنمارک آن نصیر ملک، فکر سچل سرمست و ڈنمارک” اسلام آباد آن جبار مرزا” سچل سرمست ولی اللہ” ڈاکٹر عبدالعزیز ساحر”سچل سرمست نا شاعری ٹی وحدت الوجودی عناسرر نا جلوہ آرائی”، ڈاکٹر فاخرہ نورین“سچل سرمست نا شاعری ٹی رومانی پروٹوٹائپس نا ردوم اسہ مطالعہ اس ” پنجاب آن ڈاکٹر نبیلہ رحمان (لاہور) ”سچل رنگ پنجاب اٹی ” ڈاکٹر جاوید احسان چانڈیو(بہاول پور) ”سرائیکی وسیب وچ سچل سرمست دی پذیرائی”سید خضر نوشاہی(منڈی بہاو الدین)”سچل ناشاعری آ عطار نیشاپوری نا فکری اثرات“، سندھ آن ڈاکٹر در محمد پٹھان (لاڑکانہ)”سچل ناشاعری نامطالعہ اونا وخت انا رداٹ “، ڈاکٹر فاطمہ حسن(کراچی)”حلاج نا تصور عشق و سچل“، ڈاکٹر ادل سومرو(سکھر)”سچل سرمت نا فکر اٹی جہانی ہم آہنگی و ایلمی نا تصور“، تاج جویو(حیدرآباد)”حافظ شیرازی و آشکار دار راز“،پروفیسر الطاف اثیم(رانی پور)”سچل نا شاعری تینا دور انا عکاس“، ممتاز بخاری(سکھر)”سچل سرمت نا شاعری نا جدید سندھی شاعری آ فنی و فکری اثرات“، ڈاکٹر مہرخادم (خیرپور) ”سچل سرمست نا اردو شاعری: اہمیت و انفرادیت“، امر اقبال(خیرپور)”سچل سرمت ناداڑے ماروی نابارواٹی شاہ لطیف والا اشارہ “، خیبر پختونخواآن ڈاکٹر اباسین یوسفزئی (پشاور)”سچل سرمست، انسانیت نا روایت نا شاعر“ و بلوچستان آن ڈاکٹر واحد بخش بزدا ر(کوہ سلیمان) ”سچل سرمست وحدت الوجودی شاعر“ ناسرحال آ آن لائن مقالہ پیش کیرہ۔ نظامت ڈاکٹر حاکم علی برڑو وڈاکٹر سعدیہ طاہراسک کیرہ۔