الخدمت فاﺅنڈیشن و بی آر ایس پی اسیجائی اٹ کاریم کننگ آامنا
Get real time updates directly on you device, subscribe now.
کوئٹہ (آن لائن) الخدمت فاﺅنڈیشن بلوچستان نا صدر انجینئر جمیل احمدکرد‘ جنرل سیکرٹری اعجاز محبوب اسک ڈل اتون اوار بلوچستان رورل سپورٹ پروگرام (بی آرایس پی) نا سی ای او نادر گل بڑیچ تون اونا دفتر اٹ اوڑدہی کریر‘ داوخت آ بی آرایس پی و الخدمت فاﺅنڈیشن نا سرکڑدہ غاک تین پہ تینی اسجائی امور‘ کورونا غان الس ءِ بچفنگ‘ لاک ڈاﺅن اٹ ریلیف ورک نابابت ہیت وگپ کریر‘ دا وخت آ ہڑتوم آ آسودہی تنظیم آک امنا کریر کہ کوئٹہ تون اوار ایلو ضلع غاتے ٹی اسیجائی اٹ پراجیکٹ بنا کینہ و اسٹ ایلو تون کمک کرسا اسیجائی اٹ الس نا کمک ءِ کینہ۔ بلوچستان اٹ غریبی بے روزگاری نا سوب آن زہمی تپّہ نا کچ ودنگ اٹی ءِ‘ زرگزرانی حالیت خراب مسنے۔ کم کٹیا کروک خاہوت و مر انگا پسماندہ انگا علاقہ غاک فریشانی و مشکل آتا گواچی ءُ۔ بی آرایس پی و الخدمت فاﺅنڈیشن نا اواری اٹ انشاءاللہ غریب ومسکین آتا مشکل آتے کم کینہ۔اوڑدہی ناوخت آ الخدمت فاﺅنڈیشن نا صوبائی صدر انجینئر جمیل احمد کرد بی آرایس پی نا سی ای اونادر بڑیچ ءِ تفسیر تفہیم القرآن نا ٹیکی تس۔