چین برجا سال اکن اقوام متحدہ نا تروئی زرّ آتا کل ءِ پدی تس
Get real time updates directly on you device, subscribe now.
بیجنگ (آن لائن) چین 2020 کن اقوام متحدہ نا تروئی زر آتا کل ءِ پدی تس‘ چین ناکنڈآن تروک آ زر 33کروڑ ڈالر آن زیات ءِ۔ دا عمل اقوام متحدہ کن چین نا پبی مخ تفی نا درشانی ءِ کیک۔ چینی ریڈیو نا رد اٹ چین اقوام متحدہ ءِ زر تروک آ ارٹمیکو بھلا ملک ءِ‘ چین مدام تینا مالی کمک نا فرض ءِ پورو کرسا بسنے، چین مدام اقوام متحدہ و اونا خصوصی ادارہ غاتا کڑدار نا مخ تفی ءِ کرسا بسنے۔ یات سلے کہ اقوام متحدہ نا سیکرٹری جنرل نا ترجمان چار مئی آ اڈ تروک پریس کانفرنس اٹ چین ناکنڈآن تروئی زرآتا تننگ ناستاءِ کریسس۔