ملک اٹی تیل و گیس انا ہڑدے ئی پیدوار اٹی ودکی
Get real time updates directly on you device, subscribe now.
اسلام آباد: ملک اٹی تیل و گیس انا پیدوار اٹی ہفتہ وار بنداو تیا ودکی ریکارڈ کننگانے۔ پاکستان پیٹرولیم انفارمیشن سروس نا حساب وکتاب نا رداٹ 31 مارچ آ چٹوک آ ہفتہ ٹی ملک اٹی خام تیل انا اوسط ہڑدے ئی پیدوار 69098بیرل ریکارڈ کننگا ہرا پیوستہ ہفتہ نا مقابلہ ٹی 3.7درسد زیات ءُ، پیوستہ ہفتہ ٹی ملک اٹی خام تیل انا اوسط ہڑدے ئی پیدوار 66662بیرل ریکارڈ کننگاسس۔ ہندا وڑ 31مارچ آ چٹوک آ ہفتہ ٹی ملک اٹی گیس انا اوسط ہڑدے ئی پیدوار 3319 ایم ایم سی ایف ڈی ریکارڈ کننگا ہرا 23 مارچ آ چٹوک آ ہفتہ نا مقابلہ ٹی 5.8درسد زیات ءُ، پیوستہ ہفتہ ٹی ملک اٹی گیس انا اوسط ہڑدے ئی پیدوار 3139ایم ایم سی ایف ڈی ریکارڈ کننگاسس۔ حساب وکتاب نا رداٹ تدوک آ ہفتہ ٹی پی اوایل نا تیل انا اوسط ہڑدے ئی پیدوار 4887 بیرل، پی پی ایل 12154 بیرل، اوجی ڈی سی ایل 32494 بیرل و ماڑی گیس انا ہڑدے ئی اوسط پیدوار 1061 بیرل ریکارڈ کننگا۔ ہندا وڑ پی او ایل انا گیس انا اوسط ہڑدے ئی پیدوار 64 ایم ایم سی ایف ڈی، پی پی ایل 647، اوجی دی سی ایل 701 اورماڑی نا گیس انا اوسط ہڑدے ئی پیدوار 944 ایم ایم سی ایف ڈی ریکارڈ کننگا۔
(اے پی پی)