وزیراعظم تون قومی اسمبلی نا باسک آتا جتا جتا اوڑدہی
Get real time updates directly on you device, subscribe now.
اسلام آباد: وزیراعظم محمد شہباز شریف تون قومی اسمبلی نا باسک علی گوہر بلوچ، معین وٹو و آغا رفیع اللہ اسک پنچ شنبے نادے آ داڑے جتا جتا اوڑدہی کرینو۔ وزیراعظم آفس نامیڈیا ونگ انا کنڈآن جاری بیان نا رداٹ دا اوڑدہی تیٹی تعلقدار حلقہ غاتا امور و ملک انا جم سیاسی حالیت آتیا گپ وتران کننگا۔ وزیراعظم محمد شہباز شریف تون قومی اسمبلی نا باسک نثار چیمہ اوڑدہی کرے۔ پنچ شنبے نادے آ وزیراعظم آفس نا میڈیا ونگ انا کنڈآن جاری بیان نا رداٹ اوڑدہی ٹی تعلقدار حلقہ نا امور و ملک انا جم سیاسی حالیت آتیا گپ وتران کننگا۔ وزیراعظم محمد شہباز شریف تون متحدہ قومی موومنٹ نا ڈل پنچ شنبے نادے آ داڑے اوڑدہی کرے و ملک انا جم سیاسی حالیت و ملک اٹی برجامردم شماری آ گپ وتران کریر۔ وزیراعظم آفس نا میڈیا ونگ آن جاری بیان نا رداٹ ڈل اٹی بنجائی وزیر انفارمیشن ٹیکنالوجی و ٹیلی کام امین الحق و مسکوہی قومی اسمبلی نا باسک فاروق ستار ئسک ساڑی ئسر۔ اوڑدہی ٹی بنجائی وزیر اقتصادی امور سردار ایاز صادق ہم اوار ئسک۔
(اے پی پی)