اے سی سٹی عطاء المنیم نا گرانفروش آتا برخلاف کارروائی‘ 7 دکان سیل

کوئٹہ : ڈپٹی کمشنر کوئٹہ نا پارت و اُلس نا کنڈآن سرکاری نرخ نامہ نا خلاف ورزی نا غاو تیا اسسٹنٹ کمشنر سٹی عطاء المنعم جوائنٹ روڈ و ہیب کیب نا علاقہ غاتیٹی کارروائی کرسا 7 دکان تے سیل کرے۔ او وخت آ اسسٹنٹ کمشنر سٹی کوئٹہ عطاء المنعم کیہی دکاندار تے سرکاری نرخنامہ آ من و عن عملدرآمد کن سختی ٹی پارت ہم کرے۔ اسسٹنٹ کمشنر سٹی کوئٹہ پارینے کہ شار اٹ گرانفروش و سرکاری نرخ نامہ نا برخلاف کروک آتا برخلاف روچہ آن مست کارروائی کننگاسس۔ وخت اس کہ اُلس ہندا گرانفروش آتا برخلاف ضلعی انتظامیہ تون کمک کیر۔ تانکہ اوفتا برخلاف کارروائی کرسا اُلس ءِ ریلیف فراوان کننگ کین۔ او پارینے کہ اُلس ءِ ہچ ءُ منافع خور اسے نا رحم وکرم آ ہلنگ کپنہ۔ دا بابت اٹ ہڑدے نا بنداو آ کاروائیک برجا ءُ۔ دا وخت اسکان شار انا جتا جتا علاقہ غاتیٹی کارروائی تیٹی 100 آن زیات بندغ دزگیر وخت اس کہ اوفتے ڈنڈ کننگانے۔

(خ ن)