الس کورونا غان بچنگ کن حکومتی رکھی گام گیج آتیا عمل کے‘مولانا جمال الدین
Get real time updates directly on you device, subscribe now.
کوئٹہ (آن لائن) جمعیت علما اسلام ضلع کوئٹہ نا ضلعی معاون سیکرٹری اطلاعات حلقہ پشتون باغ انقلابی یونٹ نا امیر مولانا جمال الدین حقانی پارینے کہ الس کورونا غان بچنگ کن حکومتی رکھی گام گیج آتیا عمل کے‘ امت مسلمہ اللہ پاک ءِ سجدہ کرسا تینا انفرادی و اجتماعی گناہ تا معافی خواہے۔ دا خیال آتا درشانی ءِ او جمعیت علماءاسلام حلقہ پشتو ن باغ انقلابی یونٹ نا کارندہ غاتتون ہیت وگپ کرسا کرے۔ اوپارے کہ اینو مچ آ دنیا ءِ کورونا نا دَین پلویڑ کرینے‘ کورونا دَین کسفوک ءُ ناجوڑی سے ہراکہ مچ آدنیا ٹی تالان مسنے او پارے کہ دا جہانی ءُ دَین اسے دا دَین انا چٹنگ کن امت مسلمہ بایدے اللہ ءِ سجدہ کرسا تینا تینا انفرادی و اجتماعی گناہ تا معافی ءِ خواہے‘ اوپارے کہ کورونا دَین اللہ ناکنڈآن نافرمان آتیکن اسہ سبخ اسے‘حکومت دا وخت آ الس نا رکھ اکن گام گیج کننگ اٹی ءِ بایدے الس رکھی گام گیج آتیا عمل کرسا حکومت تون کمک کے۔