نُت بورہ نا تنکی نا رپورٹ الس نا پت ءِ بحال کننگ کن ءِ‘سردارمفتی محمدوزیرالقادری
Get real time updates directly on you device, subscribe now.
کوئٹہ (آن لائن) جماعت اہلسنت پاکستان نا بنجائی نائب صدرچیف آف ہانبھی سردارمفتی محمد وزیرالقادری پارینے کہ نُت بورہ نا تنکی نا رپورٹ الس نا پت ءِ بحال کننگ کن ءِ‘ وزیراعظم نُت وبورہ نا رپورٹ ءِ مون آاتسا بھلا بھلا مافیا تے بے پردہ کرینے‘ کبینی و تینٹ تنکی ودی کروک آک ہچ ءُ رعایت اسے نا حقدار افس‘ ارب آر وپئی تے کٹوک آک الس ءِ بیدردی اٹ لٹار‘ نُت بورہ نا تنکی نا زموار آتا برخلاف کارروائی کننگے‘ اوپارے کہ شفاف پرسجو جمہوریت نا زیبائی وبنداوی اصول ءِ‘ مسکوہی دور تے ٹی چیک اینڈبیلنس مفننگ نا سوب آن کرپشن و لُٹ وپل کننگا‘ وزیراعظم نا نُت بورہ تنکی نا رپورٹ ءِ پاش کننگ آن ہراڑے کرپشن نا درگہ بند مریک ہموڑے چیک اینڈبیلنس نا نظام ہم متحرک وفعال مریک۔ اومستی پارے کہ غریب‘ مزور و دیہاڑی کروک تپّہ غاتا کمک کن احساس پروگرام نا ستاءِ کینہ۔