محکمہ تعلیم وای ایس پی ’کنا اُرا کنا اسکول‘ نا سرحال آ ہندی کہول آ اسہ پروگرام اسے نا بناءِ کریر
Get real time updates directly on you device, subscribe now.
ژوب (آن لائن) محکمہ تعلیم وای ایس پی ’کنا اُرا کنا اسکول‘ نا سرحال آ ہندی کہول آ اسہ پروگرام اسے نا بناءِ کرسا پارینے کہ کورونا دَین آن دنیا نا کیہی ملک آتے ٹی ہر وڑانا سرجز آک زہمی ءُ ہرافتے ٹی ننا ملک ہم اوار ءِ۔دا سرجز آتے ٹی اسٹ چناتا تعلیمی چرجوئی ہم ارے‘ ملک انا غٹ صوبہ غاتے ٹی اسکول‘ کالج و یونیورسٹیک پورو وڑاٹ بند ءُ‘ حساب کتاب نارد اٹ بیرہ بلوچستان اٹ دا وخت آ 18 لکھ مار ومسڑ چنا تعلیم نا نعمت آن محروم مننگ اٹی ءُ‘ ایہن تو ننے کورونا تون ہر حال اٹ مون تروئی ءِ ہندا سوب آن تینا چناتا تعلیمی عمل ءِ مون آتخسا محکمہ تعلیم بلوچستان ای ایس پی نا کمک اٹ آگاہی مہم نابناءِ کرینے ہراناسرحال ”کنا اُرا کنا اسکول“ دا مہم نا مسخت لمہ باوہ غاتے دا کلہو تروئی ءِ کہ تینا چناتے خوانفنگ ناچرجوئی ءِ اُراٹی برجا تخنگے تاکہ چناک ہیل کننگ نا عمل تون گنڈوک مریر۔