وندر اٹ غریب و حقدار بندغ آتیکن بروک آ کمک اٹ غریب آتے گوجالنگا‘زہمی تا برانز

سونمیانی وندر (آن لائن) سونمیانی وندر اٹ ہندی انتظامیہ ناکنڈآن راشن نا بشخ وپانٹ اٹ تینائی گری کننگ نا برخلاف غریب آک وندر پریس کلب نا مون آبرانز کریر‘ او دوبہ خلسا پاریر کہ وندر اٹ غریب و حقدار بندغ آتیکن بروک آ کمک ءِ نن انا تارمئی ٹی حکمران پارٹی نا خاص انگا بندغ آک تینا است پسند بندغ آتے ٹی بشخار غریب بندغ آتے گوجالنگانے۔ ڈپٹی کمشنرلسبیلہ وزیراعلیٰ بلوچستان و سیکرٹری بلوچستان کورونا دَین نا سوب آن لاک ڈاﺅن اٹ بے روزگار مروک زہمی تا کمک ءِ پک کیر‘ کمکی گڑاتا سیاسی بنداو آبشخ وپانٹ کننگ نا نوٹس ءِ ہلیر۔ او پاریر کہ حکومتی پارٹی نا بندغ آک انتظامیہ تون میٹنگ کرسا تینا است پسند مہشون ءِ جوڑ کرسا غٹ کمکی راشن ءِ تینا علاقہ غاتیا دریر وخت اس کہ لس دیہاڑی کروک مزور و حقدار تپّہ ءِ گوجالنگانے۔