قوم کیپٹن کرنل شیرخان و کل شہید آتے سلام پیش کیک، وزیراعظم

کیپٹن کرنل شیرخان شہید پاکستان نا ہمو نرزور و جری مار ءِ ہرانا جیرت، دلیری و شجاعت نا اعتراف ءِ تینٹ دشمن کرے

0

Get real time updates directly on you device, subscribe now.

اسلام آباد: وزیراعظم شہباز شریف کیپٹن کرنل شیرخان شہید نشان حیدر ءِ اونا 24 می یوم شہادت آ شاندار لوز آتیٹی خراج عقیدت پیش کرسا پارینے کہ قوم کیپٹن کرنل شیرخان شہید تون اوار تینا غٹ شہیدآتے سلام پیش کیک۔ چارشنبے نادے آ وزیراعظم آفس نا پریس ونگ آن جاری کلہو اٹی وزیراعظم پارے کہ کیپٹن کرنل شیرخان شہید پاکستان نا ہمو نرزور و جری مار ءِ ہرانا جیرت، دلیری و شجاعت نا اعتراف ءِ تینٹ دشمن کرے، 17 ہزار فٹ انا بڑزی آ گلترینا ہند آ وطن نا دفاع نا حق ءِ بے مٹ فرض شناسی اٹ ادا کرے، و تینا جون ءِ ارض پاک اکن ندر کرے۔ اوپارے کہ کیپٹن کرنل شیرخان تینا پن آنبار شیراس جوڑ مرسا دشمن آ جانپول کرے و لمہ وطن نا سیم تیان جلہو گیر دشمن ءِ خلک نرفے، کیپٹن کرنل شیرخان تینا جانباز آتون اوار دشمن نا مقابلہ ٹی کچ اٹ کم مننگ آن پد ہم پاکستان نا سیم تا دفاع ءِ کرے۔ وزیراعظم پارے کہ قوم تینا شہید آتا مدام وامدار سلک و اوفتا درجہ غاتا بڑزی کن دعا کرسا کیک۔ اوپارے کہ 9 مئی آ کیپٹن کرنل شیرخان تون اوار ایلو شہیدآتا یات گار و مجسمہ غاتا بے شرفی ءِ کرسا شرمندہ ئی نا تہار ءُ تاریخ اس نوشتہ کننگا۔ ورناچین خاص وڑاٹ تینا شہید آتا عظیم قربانی، نرزوری و اوفتا وطن تون بے مٹ مہرومریبت آن پورو آگاہی دوئی کے۔ وزیراعظم پارے کہ 9 مئی نا واقعہ غاتیان دنیا خاص وڑاٹ دشمن تے دا کلہو ہنا کہ نن تینا شہید آتا عزت ءِ کپنہ، ہرا شہید وطن نا دفاع ءِ کرسا جون ءِ ندر کرے، اونا حرمت و ناموس نا رکھ ءِ مچ آ قوم کیک و ڈوہدار تے سزاایتک۔ اوپارے کہ کیپٹن کرنل شیرخان شہید اولیکو نشان حیدر ءِ ہرانا تعلق خیبرپختونخواغان ءِ۔ اللہ تعالیٰ شہید آتا درجہ غاتے بڑز کے وخاہوت ءِ صبر وجمیل عطاکے۔

(اے پی پی)

Get real time updates directly on you device, subscribe now.

Leave A Reply

Your email address will not be published.