گمانی پر تا خلیس، کل مشینری تے تیار سلفنگے، کمشنر لورالائی
Get real time updates directly on you device, subscribe now.
لورالائی : کمشنر لورالائی ڈویژن محمد گل خلجی نا کماشی ٹی بشام نا پر تا جاری مروک آ الرٹ و این ڈی ایم اے و پی ڈی ایم اے نا پارت آتا بابت اٹ محکمہ نا افسر تا دیوان اڈ ہلک ہراٹی ایکسین سی اینڈ ڈبلیو لورالائی محمد داؤد، ایکسین پی ایچ ای عبدالغفور،ڈپٹی ڈائریکٹر ایم ایم ڈی جہانگیر خان، ایس ڈی او ایریگیشن محمد شاہ،ڈیولپمنٹ آفیسر میونسپل کمیٹی حیات اللہ مردانزئی، آفیسر ڈسٹرکٹ کونسل کلیم اللہ و ایلوفک بشخ ہلکر وخت اس کہ ڈپٹی کمشنر لورالائی سوبان سلیم دشتی، ڈپٹی کمشنر موسیٰ خیل عظیم جان دومڑ، ڈپٹی کمشنر دکی صاحبزادہ نجیب اللہ و ڈپٹی کمشنر بارکھان عبدالحمید زہری بذریعہ ویڈیو لینک بشخ ہلک۔ دیوان آن تران کرسا کمشنر لورالائی ڈویژن محمد گل خلجی پارینے کہ 4 آن ہلیس 8جولائی اسکان پر انا پیشن گوہی کننگانے۔ ہراڑکن کل محکمہ غاک تینا وسیلہ، ہیومن ریسورسز، مشینری تے تیار تخر تانکہ ایمرجنسی ٹی کاریم اٹ بریر۔
(خ ن)