ایرانی صدر نا تہران ءِ رکنیت تننگ آ شنگھائی کمکار تنظیم نا منتواری
Get real time updates directly on you device, subscribe now.
تہران : ایران نا صدر ابراہیم رئیسی تہران ءِ رکنیت تننگ آ حکومت و الس نا کنڈآن شنگھائی کمکار تنظیم (ایس سی او) نا منت ءِ ہرفینے‘ روسی خبر رساں ادارہ نا رد اٹ او تدوک آ دے ایس سی او نا آن لائن سروکی دیوان ناوخت آ پارے کہ ای حکومت و الس نا کنڈآن تینا ملک ءِ ایس سی او ناپورو باسک مننگ تنظیم نا منتواری ءِ ہرفوہ۔ یات سلے کہ شنگھائی کمکار تنظیم سَے شنبے نا دے باضابطہ وڑ اٹ پڑو کرے کہ ایران دا تنظیم نا نہمیکو باسک جوڑ مسنے۔ شنگھائی کمکار تنظیم 15جون 2001 اٹ 6ریاست روس، تاجکستان، قزاخستان، کرغزستان، چین و ازبکستان ناکنڈآن چین نا شار شنگھائی ٹی جوڑ کننگاسس‘ ہراکان گڈ پاکستان و بھارت 2017 ٹی داٹی اوار مسوسر و داسہ ایران نا نہمیکو باسک جوڑ مسنے۔
(آن لائن)