پاکستان و ترکیہ نا نیام اٹ انقرہ ٹی ہڑتوم آ کنڈآتا سیاسی سلابت نا شش میکو دور برجا

اسلام آباد:  پاکستان وترکیہ نا نیام اٹ ہڑتوم آ کنڈآتا سیاسی سلابت نا شش میکو دور انقرہ ٹی برجاءِ۔ دفترخارجہ ناترجمان نا کنڈآن چارشنبے نادے آ جاری بیان نا رداٹ سیکرٹری خارجہ ڈاکٹر اسد مجید خان پاکستان وخت اس کہ ترک ڈل انا کماشی ءِ نائب وزیرخارجہ بورک اکاپرکننگ ءِ۔ فریق آک گپ وتران اٹی سیاسی، اقتصادی، سیکورٹی، راجی و دودوربیدگی جہت آتیا ہڑتوم آ کنڈآتا تعلقداری نا غٹ پلو آتا جاچ ءِ ہلیرہ۔ داوخت آ بڑزکو کہولی سٹریٹجک کوآپریشن کونسل و سٹریٹجک اکنامک فریم ورک (ایچ ایل ایس سی سی) تون اوار چندی ادارہ جاتی میکانزم نا جاچ ءِ ہلنگک، ڈیہہ اٹی مروک آ پیش رفت و کثیر جہتی فورم تیا کمکاری آ ہم گپ وتران مریک۔ بیان نا رداٹ داسلابت اسلام آباد اٹی اڈ ہلوک آ ایچ ایل ایس سی سی نا بروک آ دور انا ریسہ ءِ پک کیک۔ پاکستان و ترکیہ نا تعلقداری مذہب، دودوربیدگ وتاریخ نا سوگو رشتہ غاتون گنڈوک ءُ۔

(اے پی پی)