اینو نا گیری ٹی اسہ ایلو نا گڑتی تے پہہ مننگ نا گرج ءِ، چینی صدر
دنیا ہڑدڑ و بھلو بدلی اسے آن تدینگ انگ اٹی ءِ، ننے بھلو چیلنج مون تروک ءُ، تین پہ تینی گڑتی تے شرف تروئی تمک، شی جن پنگ
Get real time updates directly on you device, subscribe now.
بیجنگ : چینی صدر شی جن پنگ بیجنگ آن شنگھائی کمکار تنظیم نا 23 میکو سمٹ آن ورچوئل تران کرے‘ سَے شنبے نا دے شی جن پنگ نشاندہی کرے کہ اینو نا دنیا ہڑڈر و بھلو بدلی اسے آن تدینگ انگ اٹی ءِ و انسانی راج ءِ بھلو چیلنج مون تروک ءِ‘ سیوت یا بشخ وپانٹ؟ امن یا جھیڑہ؟ کمک یا جنگ؟ اسہ وار ولدا پوسکن آ دور انا سوج جوڑ مسنے‘ کنا ورندی دادے کہ کل ملک آتا الس نا گچین آ زند انا خواست ننا ہدف ءِ و امن‘ شونداری کمک آ ساڑی شونداری نا رجحان ءِ مونی دروئی ءِ۔ شی جن پنگ نشاندہی کرے کہ ننے مذاکرات و سلابت اٹ ملک آتا نیام اٹ مُری تے چٹفنگ‘ مسابقت نا جاگہ غا کمک کننگ‘ اسٹ ایلو نا بنداوی فائدہ و اہم گڑتی تے شرف تننگ و شونداری و احیاء کن اسٹ ایلو نا سوگوی اٹ مخ تفی کننگ ناگرج ءِ‘ ننے ڈیہہ انا اسیجائی و مریس وختی فائدہ غاتے مون آتخسا مونی گام کروئی مریک‘ آجوئی اٹ خارجہ پالیسی جوڑ کروئی مریک و تینا ملک انا شونداری و پیش رفت نا آخبت و تقدیر ءِ تینا دوٹی ہلوئی مریک۔ صدر شی جن پنگ تینا تران اٹ پارے کہ ڈیہہ اٹ سوگو امن و سوگوی دوئی کننگ ننا اسیجائی زمواری ءِ۔ چین گلوبل سیکیورٹی انیشی ایٹو آ عملدرآمد، مذاکرات و سلابت اٹ ملک آتا نیام اٹ مُری و جھیڑہ غاتے چٹفنگ‘ جہانی و علاقائی ہاٹ اسپاٹ ویل آتا سیاسی ایسری و اسہ سوگو ءُ علاقائی سلامتی سے نا ٹہیفنگ کن کل پڑک آتتون اوار کاریم کننگ ناخواہندار ءِ۔ شی جن پنگ نشاندہی کرے کہ اقتصادی شونداری ءِ شون تننگ علاقائی ملک آتا اسیجائی زمواری ءِ‘ چین کل ملک آتا اواری اٹ جہانی شونداری انیشی ایٹو ءِ عملی دروشم ترسا اقتصادی عالمگیریت نا درست کنڈآ برجاسلک و یکطرفہ رکھ‘ قومی سلامتی نا تصور ءِ غلط کاریم اٹ اتنگ‘ دیوال تفنگ‘ اڑاند جوڑ کننگ‘ ڈی کپلنگ نا مخالفت ءِ کیک تاکہ چندی ملک آتا الس شونداری نا بھرم تیان انصاف اٹ فائدہ ہرفنگ کے۔ شی جن پنگ نشاندہی کرے کہ ننے چندی ملک آتا شونداری حکمت عملی و علاقائی کمک نا گام گیج آتتون اوار ”بیلٹ اینڈ روڈ“ انا بڑزکو آب انا اسیجائی تفنگ ءِ سوگو کروئی مریک‘ برجا سال چین انا کنڈآن سلاہ تروک بیلٹ اینڈ روڈ انیشی ایٹو نا 10 میکو سال دے ءِ اڈ تننگ انگ ءِ و چین جہانی کمک کن مسٹمیکو بیلٹ اینڈ روڈ فورم نا مہمانداری ءِ کیک۔فورم اٹ بشخ ہلنگ کن کل پڑک آتے بخیر کننگک و اسیجائی وڑ اٹ شونہالی نا مو کسر ءِ سفا کننگک ہراڑان دنیاءِ فائدہ مریک۔
(آن لائن)