پیپلزپارٹی جمہوریت کن کل آن زیات قربانی تسنے، غزالہ گولہ

کوئٹہ :  پاکستان پیپلزپارٹی زالبول ونگ بلوچستان نا صدر و مسکوہی صوبائی وزیر غزالہ گولہ، جنرل سیکرٹری زرینہ مری ئسک پارینو کہ پاکستان پیپلزپارٹی مدام جمہوریت نا ہیت ءِ کرینے پیپلزپارٹی ہمو جماعت ءِ ہرا جمہوریت نا بقاکن تینا سرکڑدہ غاتون اوار بھلو کچ اسے ٹی کارندہ غاتا قربانی تسنے، 05 جولائی 1977 ملک انا تاریخ نا تہار ءُ بشخ اسے ہراٹی شہید ذوالفقار علی بھٹو نا جمہوری حکومت نا تختہ ءِ چپی کرسا جمہوریت آ ادرات نا جلہو کننگا ودادے ءِ تہاردے انا وڑاٹ اڈتننگک۔ داہیت ءِ او تیناجاری کروک اسہ بیان اسے ٹی پارے۔ اوپارے کہ پاکستان پیپلزپارٹی مدام ملک اٹی جمہوریت کن توار بڑز کرینے و پیپلزپارٹی ہمو جماعت ءِ ہرانا سرکڑدہ غاتیان ہلیس کارندہ غاتسکان غٹ ملک اٹ جمہوریت کن قربانی تسنے پیپلزپارٹی ہموجماعت ءِ ہرا مدام حقی جمہوریت کن جہد کرے و کرسا بننگ ءِ و نن آخبت اٹ ہم تینا جد آن ہچ ءُ حالیت اسے ٹی پدی مفنہ، اوفک پاریر کہ 05 جولائی 1977 آ عامر ضیائالحق نا کنڈآن گچین مروک وزیراعظم قائد الس شہید ذوالفقار علی بھٹو نا جمہوریت حکومت نا تختہ ءِ چپی کرسا جمہوریت ءِ لتاڑنگا پاکستان پیپلزپارٹی دادے ءِ تہاردے انا وڑاٹ اڈایتک پاکستان پیپلزپارٹی نا کارندہ غاک 5 جولائی آ دوتیا مون ءِ پٹی تفر۔

(اے پی پی)