اسمگلنگ نا پن آ ٹرانسپورٹ آتے تنک کننگ انگ ءِ، نیشنل پارٹی

دالبندین : نیشنل پارٹی چاغی نا پریس ریلیز اٹ پاننگانے کہ بورہ وکھد انا اسمگلنگ ناپن آ ٹرانسپورٹر ولس بندغ آتے چیک پوسٹ آتیاتنک کننگ انگ ءِ وخت اس کہ بورہ و کھد مافیا چیک پوسٹ آتیا بھتہ ترسا آسانی اٹ ٹرک و ایلو گاڈی تے ٹی بورہ و کھد گدریفنگ ءُ۔ دا بیدادی نابرخلاف آل پاکستان بس یونین نا ہڑتال نا مخ تفی ءِ کینہ‘ بیان اٹ پاننگانے کہ لکپاس آن ہلیس نوکنڈی واوغان سیمی پوائنٹ ڈک اسکان ہڑدے کروڑ آروپئی تا بھتہ ہلنگ انگ ءِ ولے سزا لس بندغ آتے تننگ انگ ءِ‘ دا چیک پوسٹ آتیا مسافر ہرفوک لس گاڈی تے گھنٹہ غاتا گھنٹہ تورسا دا نشان تننگ انگ ءِ کہ بورہ وکھد انا اسمگلنگ ءِ توننگ انگ ءِ ہراکہ الس ءِ ریفنگ و دُرو اسے۔ کوئٹہ غان ہلیس چاغی اسکان وزیراعلی وایلو حکومتی کارندہ غاک بورہ وکھد انا کاروبار کننگ اٹی ءُ حقی آ پوریاگر تا جاگہ غا بورہ نا پرمٹ آتے تینا بندغ آتے تننگ انگ ءِ‘ اسہ کنڈآ چاغی تون اوار ایلو ضلع غاتے ٹی بورہ وکھد اناکاختی ءِ تو ایلو کنڈآ ہندا ضلع غاتیان ہڑدے نا بنداو آ ٹرک آتا کمک اٹ بورہ و کھد سرکاری کاٹم خواجہی ٹی اوغانستان آ اسمگلنگ کننگ انگ ءِ۔

(آن لائن)