زالبول آتے واکدار کننگ آن بیدس شون ہلنگ کپنہ‘ راجا پرویز اشرف

اسلام آباد: اسپیکر قومی اسمبلی راجہ پرویز اشرف پارینے کہ ملک انا شونداری ٹی زالبول آتا کڑد بھاز اہمیت تخک۔ پائیدار شونداری نا ہدف آتے زالبول آتے واکدار کننگ آن بیدس دوئی کننگ مفک، آئین اسٹ انگا دستاویز ءِ ہراملک انا غٹ اکائی تے اوار تخانے۔ دوشنبے نادے آ ”زالبول آتا حق انا رداٹ آئین پاکستان نا مطالعہ“ نا سرحال آن اڈ ہلوک سیمینار آن تران کریکہ۔ اسپیکر سرسہب سیمینار آ سیکرٹری پارلیمانی زالبول کاکس ڈاکٹر شاہدہ رحمانی ءِ مبارکباد پیش کرے و پارے ک داسمینار اٹی بشخ ہلنگ کنکن خوشی نا سوب ءِ۔ نیمہ غان زیات آبادی ءِ گوجالسا ملکی شونداری نا تغ پورو مننگ کپک۔ دنیا ٹی ہرا ملک شون ہلک اونا ہر تپہ بے پرخ دا سفر اٹ تینا کڑد ءِ ادا کرے۔ ہراتم اسکان پارلیمان اٹ جوڑ مروک آ کانود آ عملدرآمد ءِ پک کننگپک اونا اثر آک خننگپسہ۔راجہ پرویز اشرف پارے کہ زالبول آک داسہ ہر بشخ اٹی تینا گچین کڑد ءِ ادا کننگ اٹی ءُ۔ پاکستان نا پارلیمان اٹ ساڑی زالبول آک زیات متحرک کڑد ادا کننگ اٹی ءُ۔

(اے پی پی)