پاکستان و عراق نا نیام اٹ مفاہمت نا اِرایات داشت آتیا دستخط
Get real time updates directly on you device, subscribe now.
بغداد: وزیرخارجہ بلاول بھٹو زرداری نا عراق نا 3 دے ئی سرکاری دورہ نا وخت آ پاکستان و عراق نا نیام اٹ مفاہمت نا اِرا یات داشت آتیا دستخط کننگا۔ دوشنبے نادے آ دفترخارجہ نا رداٹ ہڑتوم آ ملک آک دودوربیدگی کمکاری ءِ ودفنگ کن مفاہمت نا یات داشت آتیا دستخط کریر۔ داکان بیدس سفارتی و سرکاری پاسپورٹ آ ویزہ نا چٹفنگ کن ہم مفاہمت نا یات داشت آتیا دستخط کننگا۔ داکان مست عراقی وزیرخارجہ ڈاکٹر فواد حسین تون اوڑدہی ٹی وزیرخارجہ بلاول بھٹو زرداری پارے کہ پاکستان و عراق نا نیام اٹ دوستانہ و ایلمی تعلقداری ءِ۔ ڈل آتا کہول آ گپ وتران اٹی ہڑتوم آ وزیرخارجہ غاک کمکاری نا چندی بشخ آتیٹی ہڑتوم آ کنڈآتا تعلقداری تے پین سوگو کننگ آ امنا کریر۔ ہڑتوم آ وزیرخارجہ غاتا نیام اٹ اوڑدہی ٹی پاکستان و عراق نا نیام اٹ سفارتی تعلقداری تون اوار کمکاری نا چندی جہت آتیا گپ وتران کننگا۔
(اے پی پی)