عمران نیازی جہانی میڈیا تون انٹرویوتیٹی غلط بیانی کننگ اٹی ءِ‘شہباز شریف

اسلام آباد: وزیراعظم محمد شہباز شریف پارینے کہ عمران نیازی جہانی میڈیا تون انٹرویوتیٹی پاش آن پاش غلط بیانی کننگ اٹی ءِ، 9 مئی نا واقعہ غاتیان پد ملک اٹی انسانی حق انا خلاف ورزی تا بابت اونا بیان گمراہ کن ءِ، دانا مسخت پاکستان آ زور شاغنگ ءِ، دنیا نا اسہ ملک اس ہم تینا سالمیت ءِ بھس کننگ نا داوڑنا کوشست آتے سگپک، داہیت ءِ پک کننگک کہ حق انا خلاف ورزی مف۔ دوشنبے نادے آ تینا ٹویٹ اٹی وزیراعظم پارے کہ جہانی میڈیا تون تینا انٹرویوتیٹی عمران نیازی جعلی خبر و غلط معلومداری تا کمک اٹ پاش آن پاش غلط بیانی کننگ اٹی ءِ، 9 مئی نا واقعہ غاتیان پد انسانی حق انا خلاف ورزی و سیاسی برانز نا حق ءِ سلب کننگ نا بابت اونا بیان گمراہ کن ءِ ہرانا مسخت ملک آن پیشن رائے عامہ گمراہ کننگ و ملک آ زور شاغنگ ءِ۔ وزیراعظم پارے کہ او سیاق و سباق ءِ سہی وڑاٹ پیش کننگ خواہک۔ عمران نیازی نا پارٹی 9 مئی آ انتس کہ کرے او پاکستان نا ریاست آ پاش آن پاش ءُ جلہو اس ئسک ہرانا ناپاک ارادہ و مسخت آک ئسر، دنیا نا اسہ ملک اس ہم تینا سالمیت ءِ بھس کننگ نا داوڑناکوشست آتے سگپک۔ وزیراعظم پارے کہ او غٹ ءِ باوری کرفک کہ ڈوہدار آتون کانود نا رداٹ مون تننگک و ای داہیت ءِ پک کیوہ کہ حق انا خلاف ورزی مف، ہر کیس ءِ کانود نا رداٹ جوان وڑاٹ سرتننگک۔ اوپارے کہ پاکستان انسانی حق انا بابت تینا غٹ آئینی و جہانی زمواری تا پورو شرف ءِ کیک و اوفتا ادائیگی آ پابند ءِ۔

(اے پی پی)