حالیت آتا گچینی کن گام گیج کننگ نا گرج ءِ،‘ملک عبدالولی کاکڑ

کوئٹہ: گورنر بلوچستان ملک عبدالولی خان کاکڑ پارینے کہ چاگڑدی بدلی کرہ ارض نا آخبت کن خطرہ و غٹ بنی نع انسان کن گڑتی نا سوب ءِ، ہنداسوب آن حالیت آتا گچینی کن ہلہلہ ئی بنداو تیا گام گیج نا گرج ءِ۔ اوچاگڑد نا جہانی دے آ تینا کلہو اٹی پارے کہ بھاز کم مخلوق ءِ داہیت انا سماءِ کہ چاگڑدءِ ساف ستھرا تخنگ و کچٹی نا چٹفنگ کن گورنر ہاؤس کوئٹہ نا اہم ءُ کڑد اس مسنے، گورنر ہاؤس کوئٹہ ٹی ہزار آ درخت و نیال آتا خیال و اوفتا نشوونما کن پدریسہ پبی گام گیج آتیان بیدس چک آتے خور فراوان کننگ و اوفتا پرورش کن جوان بست وبند ساڑی ءِ و داخیر انا کاریم اٹ تدوک و ساڑی آ گورنر صاحب آک، آفیسر آک و کارندہ غاتا بھلو خذمت اس اوار ءِ۔ اوپارے کہ چاگڑدی بدلی تتون مون تننگ کن ہلہلہ ئی بنداو تیا گام گیج آتا گرج ءِ، مخلوق ءِ شجرکاری نا کنڈآ راغب کننگے و دا چرجوئی ٹی منظم کوشست کننگے۔ گورنر بلوچستان پارے کہ اقوام متحدہ 2020آن 2030 اسکان نا دہائی ءِ ایکو سسٹم نا بحالی نا دہائی گوندانے ہنداسوب آن اقوام عالم نا اہم باسک انا حیثیت اٹ نن ہم داٹی چاگڑد نا اہمیت ءِ تالان کننگ و اونا رکھ انا کوشست آتے مون آ دننگ کن چندی دود آتے اڈ ایتن۔

(اے پی پی)