پاکستان ءِ موسمیاتی تغیرات نا بابت چیلنج مون تروک ءِ، چیئرمین سینیٹ

اسلام آباد: چیئرمین سینیٹ محمد صادق سنجرانی پارینے کہ چاگڑد نا جہانی دے انا اڈتننگ نا مسخت چاگڑد نا بابت الس اٹ آگاہی و شعور تالان کننگ ءِ، بدبختی اٹ پاکستان ہمو ملک آتیٹی اوار ءِ ہرافتے موسمیاتی تغیرات آتا بابت چیلنج مون تروک ءِ۔ چاگڑد نا جہانی دے انا وخت آ تینا خصوصی کلہو اٹی اوپارے کہ موسمیاتی تغیرات آتا بابت بے شمار ملک آتے ویل آتا گواچی ءُ۔ شون ہلوک ملک آتا طرز آ پاکستان اٹی ہم موسمی تغیرات آتون مون تننگ کن گچین حکمت عملی اختیار کننگ انگ ءِ وسینیٹ چاگڑد دوست گام گیج آتا مدام است بڈی ءِ کرینے۔ اوپارے کہ گلوبل وارمنگ و موسمیاتی تغیرات نا چیلنج آتون مون تننگ کن ننے تینا طرز زندگی ٹی مثبت بدلی اتوئی مریک و تینا بروک آ چین تا بقاکن جنگل آتا مون آ دننگ آ زور شاغوئی مریک۔ چاگڑدی بدلی تا سوب آن ننا راجی و معاشرتی زندآہم منفی اثرمرتب مسنے ہرانا ننے غٹ ءِ اواری اٹ مقابلہ ءِ کروئی مریک۔

(اے پی پی)