نوشکے‘ جمعیت ضلع کونسل نا اقلیت و مخصوص اومیتدار تا پڑو ءِ کرے

نوشکے :  جمعیت علماء اسلام ضلع کونسل نا اقلیت و خاص انگا سیٹ آتیا پندار اومیت دار آتا پڑو ءِ کرے، سرسہبی نا خواہندار جے یو آئی نوشکے نا ضلعی امیر شیخ الحدیث مولانا غلام نبی جنرل سیکرٹری حاجی منظور احمد مینگل و کابینہ نا ایلو باسک آک پارینو کہ جمعیت علمائے اسلام نوشکے ضلع کونسل نا خاص انگا سیٹ آتیا جوان سرسہبی دوئی کیک۔ مالو نا وڑ داوار ہم سرسہبی انشااللہ جمعیت نا مریک و جمعیت نا سرسہبی ایہن تو اُلس نا سرسہبی ءِ۔ او پارینے کہ میونسپل کمیٹی ٹی جمعیت علمائے اسلام و اتحادی تا چیئرمین و وائس چیئرمین بھاز چنکو وخت اسے ٹی و فنڈ آتیان بیدس ہرا خدمت آتے پورو کرینے و ہندا حالیت انشاء اللہ ضلع ٹی سرسہبی نا حالیت اٹ ہم مریک۔ او پارینے کہ ننا ایلو ٹارگٹ ضلع کونسل کونسل نا خاص انگا سیٹ آک ءُ، ہرافتا دوئی کننگ کن جمعیت کل تیاری تے پورو و ڈٹ بندی کرینے و خاص انگا سیٹ آتیکن جمعیت حافظ عبداللہ گورگیج‘ ظہور احمد بادینی و نریش کمار ءِ مون آ ایسنے و خاص انگا نیاڑی تین پن تے شاغنگانے۔ وخت اس کہ جمعیت علما اسلام نا یونین کونسل چیئرمین تینا پندار اومیت دار آتا سرسہبی ءِ پک کے۔

(آن لائن)