بی این پی بے رنگ و نسل الس نا خذمت آ یخین تخک، حاجی خیر جان بنگلزئی

کوئٹہ: بلوچستان نیشنل پارٹی نا راہشونک پارینو کہ اوفتا پارٹی بے رنگ ونسل الس نا خذمت آ یخین تخک۔ حاجی خیرجان بنگلزئی، ملک بشیر احمد شاہوانی، چیئرمین محمد کریم محمد حسنی، آغاشکیل شاہ شیخ حسینی، عبیداللہ محمد حسنی، کامریڈ عطاء محمد بنگلزئی ئسک تینا اسیجائی بیان اسیٹی پارینو کہ بی این پی بے رنگ و نسل الس نا خذمت آ یخین تخک۔ اوفک پاریر کہ ایم پی اے ملک نصیر احمد شاہوانی نا منت وار اُن ہرا تینا شونداری فنڈ آن کلی لعل آباد محمد حسنی تون اوار ایلو علاقہ غاتیٹی بلیک ٹاپ سڑک و نالی تا تعمیراتی کاریم نا بنا ءِ کرے ہراکہ پوروی نا آخیریکو ریسہ غاتیٹی ءُ۔ داڑے جاری مروک اسہ بیان اسے ٹی اوفک پاریر کہ تدوک آ کیہی دہائی آن کلی لعل آباد ءِ شونداری کاریم تا بابت گوجالنگا و علاقہ نا الس ءِ بیست ءُ یک می صدی ٹی ہم بنداوی آسراتی تیان محروم ئسر ولے بی این پی علاقہ ٹی شونداری کاریم تا بناءِ کرسا الس نا متکن آ ویل آتے ایسر کرینے۔

(اے پی پی)