السی حکومت راجی آسراتی نا بے کچ ڈٹ آتا بناءِ کرینے میر ضیاءلانگو

0

Get real time updates directly on you device, subscribe now.

کوئٹہ(اے پی پی) صوبائی وزیر داخلہ میر ضیاءاللہ لانگو پارینے کہ السی حکومت السی راجی آسراتی نا بے شمار ڈٹ آتا بناءِ کرینے ہرافتے ٹی جان جوڑی سفائی ستھرائی تون اوار ایلو بشخ آتے ٹی الس ءِ آسراتی تا فراوانی کن گنج گام گیج کننگانے۔ تینا اسہ بیان اسے ٹی اوپارے کہ صوبہ ٹی شونداری ہدف آتا دوئی کننگ اٹ غٹ دوئی وسیلہ غاتے کاریم اٹ اتنگ انگ ءِ کووناوائرس نا رداٹ جان جوڑی نا بشخ اٹی انقلابی بدلی اتنگانے ہراٹی ہیومن ریسورس انا کمتی ءِ پورو کننگ کن ڈاکٹرز اسپیشلسٹ کنسلٹنٹ و تکنیکی کارندہ غاتا آسامی تے جاری کننگانے ہراڑان خلقت ءِ اوفتا درگہ غا جان جوڑی نا گچین آسراتی دوبریک، صوبہ نا بھلا ہسپتال آتے پوسکن آ طبی ازباب و گڑاو مشینری کن ہم گنج گام گیج کننگانے رینڈم سیمپلنگ نا کمک اٹ شار انا چندی علاقہ غاتے ٹی کوروناوائرس نا تشخیص کن ٹیسٹ کننگ انگ ءِ ہراڑان دا ہیت انا پیدواری مننگ کے کہ صوبہ ٹی کوروناوائرس نا تالانی ءِ توننگ مرے۔ اوپارے کہ کوروناوائرس نا تالانی ٹی غٹ آن بنداوی سوب راجی فاصلہ غا عمل کپرسا ہڑدے ئی باندات آتا انجام تننگ اٹ ڈیوالائی کننگ ءِ، ہنداسوب آن دارداٹ الس آن خواست ءِ کہ حکومت ناکنڈآن جاری کرو پارت آتیا عمل کرسا راجی فاصلہ و لاک ڈائون نا پورو پیروی ءِ کیر۔

Get real time updates directly on you device, subscribe now.

Leave A Reply

Your email address will not be published.