بنجائی وصوبائی حکومت کورونا وائرس ءِ سنجیدہ ہلپننگ ءُ‘ ڈاکٹر مالک بلوچ
Get real time updates directly on you device, subscribe now.
کوئٹہ (آن لائن) نیشنل پارٹی نا بنجائی صدر و مسکوہی وزیراعلیٰ بلوچستان ڈاکٹر عبدالمالک بلوچ پارینے کہ دا وخت آ مچ آ دنیا ٹی لکھ آ بندغ آک تینا جان تیان دو سلانو‘ بنجائی وصوبائی حکومت کورونا وائرس ءِ سنجیدہ ہلپننگ ءُ‘ ای تینا قوم آن خواست کیوہ کہ دا جہانی دَین آن رکھنگ کن رکھی گام گیج کننگے۔ بلوچستان کن انت کریٹ ای وپارٹی نا ضمیر است جم ءِ۔ دا خیال آتا درشانی ءِ او نجی ٹی وی تون ہیت وگپ کرسا کرے‘ اوپارے کہ کورونا وائرس جہانی ءُ دَین اسے الس دادے سنجیدہ ہلے و رکھی گام گیج کے‘او مستی پارے کہ دا وخت آ دنیا ٹی لکھ بندغ دا ناجوڑی زوال کرینو و لکھ آک داڑان زہمی ءُ ولے بدبختی اٹ نن اینو ہم دادے سنجیدہ ہلپننگ ان‘ ننا شارک ملوک ءُ‘ ہچ ءُ سوشل ڈسٹینس اس اف‘ نن اینو ہم محفل و مجلس آتے ٹی رکھی گام گیج کپنہ۔ او مستی پارے کہ اللہ اسہ قوم اسے ہم جاہل کپ انتئے کہ جاہل انگا قوم نئے ڈاکٹر و نئے سائنسدان نا ہیت سرپند مریک۔