بنجائی کابینہ قومی اقلیتی کمیشن نا منظوری ءِ تس

0

Get real time updates directly on you device, subscribe now.

اسلام آباد (اے پی پی) وزیر مذہبی امور پیر نور الحق قادری پارینے کہ بنجائی کابینہ قومی اقلیتی کمیشن نامنظوری ءِ تسنے ہراٹی اسہ قادیانی اسے ہم باسک جوڑ کننگتنے، وزارت نا کنڈآن کابینہ ءِ مون تروک ہڑتوم آ سمری تیٹی قادیانی تا پن اوار الوکہ۔ چیلارام کیولانی ءِ کمیشن نا چیئرمین جوڑ کننگانے۔ سے شنبے نادے آ اسہ بیان اسے ٹی اوپارے کہ بنجائی کابینہ ٹی وزارت مذہبی امور نا کنڈآن گدریفوک آ اقلیتی کمیشن نا بابت سمری نا منظوری ءِ تسنے۔ مینارٹی کمیشن نا چیئرمین نا تعلق سندھ ہندو کمیونٹی آن ءِ۔ مفتی گلزار نعیمی و مولانا عبدل خبیرآزاد مسلم باسک مریک۔ ہندو و مسیحی برادری آن مسہ مسہ باسک اوار ُ۔ سکھ برادری آن اِرٹ، کیلاش و پارسی برادری آن اسہ اسہ باسک اوار کننگا۔ اسہ قادیانی اسے ہم باسک جوڑ کننگتنے۔ وزارت نا ہڑتوم آ سمری تیٹی قادیانی تے اوار کننگتویسس۔ چیئرمین اسلامی نظریاتی کونسل بلحاظ عہدہ کمیشن ان باسک مریک۔ سیکرٹری مذہبی امور و بین المذاہب ہم آہنگی بلحاظ عہدہ کمیشن نا سیکرٹری نا فرض ءِ سر ایتک۔

Get real time updates directly on you device, subscribe now.

Leave A Reply

Your email address will not be published.