کشمیری الس نا جہد کل جہانی کانود آتا وڑ اٹی ءِ، وزیر اعلیٰ بلوچستان

کوئٹہ : وزیراعلیٰ بلوچستا ن عبدالقدوس پارینے کہ کشمیری الس نا جہد کل جہانی کانود آتا وڑ اٹی ءِ‘ ہرادے اقوام متحدہ امنا کرسا کشمیری الس ءِ اوفتا حق خودارادیت تننگ و استصواب رائے کرفنگ نا ہیت کرینے۔ اوپارے کہ پاکستان کشمیری ایلم تا حق خودارادیت نا جہد انا بنائی دے آن مخ تفی ءِ کیک ہرا جہانی ادارہ نا قراردادآتا وڑ اٹی ءِ۔ یوم یکجہتی کشمیر نا وخت آ جاری کروک تینا کلہو اٹ وزیراعلیٰ پارینے کہ ڈیہہ اٹ امن ناتغ ہمو وخت آپورو مننگ کیک ہراتم کشمیری تا استخواہی تاوڑ اٹ کشمیر ناویل ءِ ایسر کننگے‘ کشمیر نا ویل پاکستان و بھارت نا نیام اٹ بنداوی جھیڑہ ءِ و کشمیر ناویل ءِ ایسر کننگ آن بیدس امن بننگ کپک‘ وزیراعلیٰ پارے کہ بھارت کشمیر آ زور اٹ کوزہ کرسا کشمیری الس نا حق آتے خلسا بے گناہ کشمیری الس آ بیدادی تے برجا تخانے۔

(خ ن)