مچ آ قوم یکجان مرسا کشمیری تتون یکجہتی نا درشانی کننگ ءِ، فرح عظیم
Get real time updates directly on you device, subscribe now.
کوئٹہ: ترجمان حکومت بلوچستان گودی فرح عظیم شاہ پارینے کہ مچ آ قوم یکجان مرسا کشمیری تتون یکجہتی نا درشانی ءِ کننگ اٹی ءِ‘ دا دے ءِ اڈ تننگ نا مسخت کشمیری الس تون یکجہتی نا درشانی کننگ و دا باور کرفنگ ءِ کہ کشمیر پاکستان نا شہ رگ ءِ‘ وتواجہی نا حق کشمیر الس نا بنداوی حق ءِ ہرادے زور اٹ نزور کننگ مفک۔ مقبوضہ کشمیر نا الس کیہی سال آن بھارتی بیدادی تا سیخا ٹی زند گدریفنگ آ بیوس ءِ‘ کشمیر ناویل انا پرامن سوگوی کن جہانی برادری و اقوام متحدہ تینا کڑدار ءِ ادا کے و کشمیری الس نا استخواہی تا وڑ اٹ کشمیر نا ویل ءِ آخبتی ایسر کننگے۔ترجمان صوبائی حکومت پارینے کہ کشمیری مسلمانک پاکستان جوڑ کننگ آن مست تینا آخبتی ربیدہ ئی‘ راجی و نظریاتی وڑ اٹ پاکستان تون گنڈاسس۔ جہانی برادری آن خواست کینہ کہ مقبوضہ کشمیر اٹ انسانی حق آتا لتاڑنگ ءِ بند کرفنگے‘اومستی پارے کہ ڈیہہ انا پرامن چاگڑد کن کشمیرناویل ءِ ایسر کننگ المی ءِ‘ کشمیرنا بابت اقوام متحدہ نا منظور کروک قرارداد آتیا عملدرآمد ءِ پک کننگے۔
(خ ن)