قائمقام گورنر بلوچستان میر جان محمد خان جمالی ناکنڈآن پاکستان سپر لیگ نا اِرا کرکٹ ٹیم پشاور زلمی و کوئٹہ گلیڈیئیٹرز نا بلوچستان نا صوبائی دارالحکومت کوئٹہ ٹی نمائشی میچ گوازی کننگ آ خوشی درشان کرے

کوئٹہ: قائمقام گورنر بلوچستان میر جان محمد خان جمالی ناکنڈآن پاکستان سپر لیگ نا اِرا کرکٹ ٹیم پشاور زلمی و کوئٹہ گلیڈیئیٹرز نا بلوچستان نا صوبائی دارالحکومت کوئٹہ ٹی نمائشی میچ گوازی کننگ آ خوشی درشان کرے و کوئٹہ گلیڈیئیٹرز ءِ میچ کٹنگ و گوازی گر تا کنڈآن جوان گوازی کننگ آ مبارکبادی تس۔ قائمقام گورنر بلوچستان پارے کہ کوئٹہ ٹی گوازی تا دا وڑ انا سرجز آتے شون تننگ آن بلوچستان نا ورناتے نئے بیرہ اسہ جوان ءُ کلہو اس رسینگانے بلکہ دا سخت انگا حالیت آتے ٹی کمتی بسنے‘اینو گراؤنڈ اٹ داخس بھلوکچ اسے ٹی میچ ہُروک وخاص وڑ اٹ نیاڑی تا بننگ آن کلہو رسینگک کہ بلوچستان نا الس صوبہ ٹی گوازی و راجی سرجز آتے شون تننگ خواہک۔ قائمقام گورنر بلوچستان اومیت درشان کرے کہ پی سی بی داکان پد ہم بلوچستان اٹ ہندا وڑ انا میچ اڈ تننگ ءِ پک کیک ہراڑان صوبہ نا الس ءِ تینا صوبہ نا ہیرو عبدالواحد بنگلزئی، بسم اللّٰہ خان و حسیب اللّٰہ خان کون آ ورنا گوازی گر تے خننگ نا وارخواہی رسینگا‘ دا وڑ انا دا جاگہ نا ایلو لائخ آ ورنا است بڈی ہم مریک۔

(خ ن)