وزیراعظم ٹریڈ فیسلی ٹیشن بورڈ اناجوڑ کننگ نا منظوری ءِ تس

اسلام آباد، وزیراعظم محمد شہباز شریف ٹریڈ فیسلی ٹیشن بورڈ اس جوڑ کننگ نا منظوری ءِ تس، بورڈ واپار نا پورو سپلائی چین اٹی گچینی اتنگ و سیم پار واپار نا بابت کل نان ٹیرف امورآتیا فیصلہ کیک و واپار نا مون آ دننگ نا بابت روڈ میپ، ٹریڈ فیسلی ٹیشن انڈیکس و مانیٹرنگ نا بابت حکمت عملی اس جوڑ کیک۔ پنچ شنبے نادے آوزیراعظم آفس نا میڈیا ونگ آن جاری بیان نا رداٹ وزیراعظم محمد شہباز شریف نا کماشی ٹی واپار اٹی آسراتی تا فراوانی نا بابت اہم دیوان اس اڈہلک۔ دیوان اٹی وزیراعظم محمد شہباز شریف ٹریڈ فیسلی ٹیشن بورڈ اس جوڑ کننگ نا منظوری ءِ تس۔ وزیراعظم محمد شہباز شریف تینٹ ٹریڈ فیسلی ٹیشن بورڈ انا کماشی ءِ کیک۔ سلاہ ئی بورڈ واپار نا پورو سپلائی چین اٹی گچینی اتنگ و سیم آن ایپار واپار نا بابت کل نان ٹیرف باندات آتیا فیصلہ کیک۔ بورڈ واپار نا مون آ دننگ نا بابت روڈ میپ، ٹریڈ فیسلی ٹیشن انڈیکس و مانیٹرنگ نا بابت حکمت عملی اس جوڑ کیک۔ وزیراعظم ملک انا بندرگاہ تا کاریم نا کچ اٹی گچینی کن ہلہلہ ئی بنداو تیاکاریم کننگ و جتا جتا ورکنگ گروپ جوڑ کننگ نا پارت کرے۔ ورکنگ گروپ آک بندرگاہ تا کچ انا گچین جوڑکننگ، تعلقدار محکمہ غاتا نیام اٹی ہم گرنچی نا مونی دننگ، ریگولیٹری فریم ورک نا پوروی‘ پری ارائیول کلیئرنس و جہانی واپار اٹی چنکا و نیامی درجہ نا کاروبار تا اوار مننگ نا بابت مریرہ۔ وزیراعظم درآمد کروک و برآمد کروک آتے کن بندرگاہ تیا مال انا سرکننگ‘ کلیئرنس و ایلو باندات آتے آسان کننگ و زیات آن زیات آسراتی تا فراوانی نا ہم پارت کرے۔ دیوان اٹی پاننگاکہ برجا اصلاحات نا رداٹ پورٹ چارجز اٹی کمتی کننگانے ہراڑان پد بندرگاہ تا کاریم اٹ اتنگ اٹی نمان گچینی بسنے، جہاز آتا بننگ آن مست گڈز ڈیکلیریشن جمع کرفنگ نا آسراتی ٹی پدریسہ ودکی مننگ اٹی ءِ۔ دیوان اٹی بنجائی وزیر قومی غذائی رکھ رانا تنویر حسین، بنجائی وزیر واپارجام کمال خان، بنجائی وزیر اقتصادی باندات احد خان چیمہ، بنجائی وزیر خزانہ و بنگ محمد اورنگزیب، بنجائی وزیر بحری باندات جنید انوار چوہدری، سلاہکاروزیراعظم صنعت ہارون اختر، وزیر مملکت خزانہ و ریلوائی بلال اظہر کیانی و تعلقدار بڑزکو سرکاری افسر آک بشخ ہلکر۔