بلوچ زالبول آک ہر بشخ انا سوگو بنداو ءُ، میر ضیاء اللہ لانگو

کوئٹہ، بلوچستان نا وزیر داخلہ میر ضیاء اللہ لانگو پارینے کہ بلوچ زالبول آک ننا دودوربیدہ، تعلیم و راجی قدرآتا سوگو بنداوءُ ہرافک پوسکن آ چین نا تعلیم و ہیلکاری‘ دود و ربیدگ آتا رکھ و راج اٹی شرف، عزت و مثبت قدرآتا مونی دننگ اٹی مدام اہم کڑد ادا کرینو۔ دا خیال آتا درشانی ءِ او بلوچستان عوامی پارٹی نا زالبول ونگ انا راہشون تتون ہیت وگپ کرسا کرے۔ او پارے کہ بلوچ زالبول آک نئے بیرہ تینا خاہوت نا طاقت ءُ بلکن صوبہ نا روشنا و شونہالی نااومیت ہم اریر، زالبول آتا تعلیم، شونہالی و واکداری آن بیدس راج انا حقی شونداری مننگ کپک‘ صوبہ نا زالبول آک جتا جتا بشخ آتیٹی تینا لائخی تے منفینو و شونداری ٹی اوفتا کڑد ستا کڑزک۔ او پارے کہ حکومت زالبول آتے واکدار جوڑ کننگ و اوفتے راج اٹی پین فعال کڑد ادا کننگ نا وارخواہی فراوان کننگ کن جتا جتا ڈٹ آتیا کاریم کننگ اٹی ءِ۔ او پارے کہ زالبول آتا تعلیم، کسبکاری و زرگزرانی آجوئی کن گام گیج آتے پین گچین کننگ انگ ءِ۔