کمانڈنٹ ایف سی پنجگور نا کنڈ آن راجی خذمتگار آ تیکن دود
Get real time updates directly on you device, subscribe now.
کمانڈنٹ ایف سی پنجگور رائفلز نا کنڈ آن راج انا جتا جتا بشخ آتیٹی (تعلیم، جانجوڑی‘ سیاست، فلاحی خذمت و صحافت اٹی) راج انا جوانی و گچینی کن کروک خذمت آتا امنائی واٹ دود اس اڈ تننگا۔ دود اٹ تعلیمی ادارہ غاتا سروک‘ الس نا نہادی جان تے بچفوک محکمہ جانجوڑی نا ڈاکٹر‘ سیاسی و راجی ورکر ہرافک السی ویل آتا ایسری کن کوشست کننگ اٹی ءُ، و راج نا ایلو نمائندہ غاک بشخ ہلکر۔ دود انا خاص انگا مہمان کمانڈنٹ پنجگور میجر جنرل ظفر اقبال ئس، وخت اس کہ ایلو مہمان تے ٹی کمانڈنٹ ایف سی پنجگور رائفلز بریگیڈیئر نادر محی الدین، ڈی سی پنجگور جہانزیب بلوچ، ڈپٹی کمانڈنٹ کرنل معراج و ایلو سیاسی و راجی شخصیت آک اوار ئسر۔ دود اٹ تعلیمی پڑ آ ادارہ غاتا فعالی و گچین تدریسی کڑد سرکروک ادارہ غاتا سرکڑدہ‘ محکمہ جانجوڑی ٹی السی خذمت سر تروک آ ڈاکٹر وایلو بشخ آتے ٹی کاریم کروک آتے سفتی سَند ترسا اوفتا خذمت آتا ستاءِ کننگا۔ پنجگور (نامہ نگار)