ڈی آئی جی لورالائی رینج انا دکی نا دورہ، امن ایمنی نا حالیت نا جاچ
Get real time updates directly on you device, subscribe now.
ڈی آئی جی لورالائی رینج جنید احمد شیخ ایس پی دکی منصور احمد بزدار تون اوار ضلع دکی نا دورہ ءِ کرے، ہراڑے او امن و ایمنی نا حالیت، دہشت گردی نا گڑتی و رکھی بست و بند آتا جم جاچ ءِ ہلک۔ دورہ نا وخت آ پولیس و ایلو کانود نافذ کروک ادارہ غاتتون اوار اسیجائی دیوان اس اڈ ہلک، ہراٹی ساڑی رکھ انا حالیت، ادارہ غاتا نیام اٹی تین پہ تینی رابطہ وہر وڑ انا گمانی دہشت گرد جلہو اسے تون بھرمی وڑاٹ مون تننگ کن جم سج پام سجفنگا۔ ڈی آئی جی تھانہ نارہن نا ہم دورہ ءِ کرے، ہراڑے 9 جون آ دہشت گردی نا جلہو اٹی پولیس کانسٹیبل حسن جامِ شہادت نوش کریسس۔ او شہید کانسٹیبل نا خاہوت تون اوڑدہی کرسا ہڑزخواہی و ہمدردی نا درشانی ءِ کرے و شہید آتا قربانی تے خراجِ عقیدت پیش کرے۔ او تھانہ نارہن ءِ پورو وڑاٹ فعال کننگ کن کارندہ‘ سلہہ، رکھی ازباب‘ ماڑی نا رکھ و ایلو رکھی بست وبند آتا ہم جاچ ءِ ہلک۔