ڈی آئی جی کوہِ سلیمان ایاز احمد بلوچ تون سینئر حوالکار تا ڈل انا اوڑدہی

ڈی آئی جی کوہِ سلیمان ڈویژن ایاز احمد بلوچ تون سینئر حوالکار آتا اسہ ڈل اس اونا دفتر اٹی اوڑدہی کرے۔ ڈل اٹی نواب خان کھیتران، قیصر خان کھیتران، یعقوب کھیتران، شیر احمد کھیتران و میر شاہ جہان اوار ئسر۔ اوڑدہی نا وخت آ رکھنی و ایب کیب اٹی امن وایمنی نا حالیت، منشیات نا چٹفنگ‘ الس ءِ پیش بروک ویل و حوالکار آتے مون تروک خواری تیا خوڑتی اٹ سجفنگا۔ ڈی آئی جی ایاز احمد بلوچ پارے کہ صحافت ریاست نا اسہ اہم ءُ تمبہ اسے و حوالکار آک راج نا اصلاح، السی پام و راستکی تا وخت آ فراوانی ٹی اہم ءُ کڑد اس ادا کیرہ۔ او باور کرفے کہ حوالکار تا کنڈ آن پاش مروک ویل آتیا کانود نا رِد اٹ دمدستی کاریم کننگک۔ او پارے کہ منشیات ورنا چین نا آخبت کن اسہ بھلو خطرہ اسے‘ ہرانا توننگ کن بھرمی و اسیجائی گام گیج کننگ انگ ءِ۔