آن لائن حج رجسٹریشن، اولیکو 11 دے ٹی 2 لکھ بندغ رجسٹر مسر

آن لائن حج رجسٹریشن نظام نا ریکارڈ ستا مسنے، اولیکو 11 دے اٹ 2 لکھ 3 ہزار 722 حاجی اُراٹی تولوک رجسٹریشن ءِ پورو کریر۔ وزارت مذہبی باندات نا ترجمان عمربٹ جمعہ نادے آ بیان اٹی پارے کہ اسہ لکھ 80 ہزار حاجی ویب پورٹل وخت اس کہ 24 ہزار موبائل ایپ آن رجسٹریشن پورو کریر۔ اسہ لکھ 54 ہزار آن زیات سرکاری وخت اس کہ 49 ہزار پرائیویٹ حج اسکیم ءِ گچین کریر۔ پنجاب 95 ہزار حاجی تتون کل آن مون اٹ‘ سندھ 63 ہزار، کے پی 28 ہزار، اسلام آباد 9 ہزار، بلوچستان 5500، آزاد کشمیر 1200 و گلگت بلتستان آن 600 حاجی رجسٹریشن پورو کریر۔ اوپارے کہ سال 2028 کن 1400، سال 2029کن 250 و2030 کن 350 حاجی ارادہ درشان کریر۔ حاجی تیٹی نرینہ غاتا کچ اسہ لکھ 19 ہزار وخت اس کہ زالبول 84 ہزار 500 ءُ۔