سمارٹ لاک ڈاﺅن نا خلاف ورزی تیا مچ آ ملک اٹ آپریشن نا بنا

اسلام آباد : کورونا وائرس نا توننگ کن پڑوکروک قاعدہ وضابطہ غاتا خلاف ورزی کننگ آ مچ آملک اٹ ڈنڈ کننگ و چھاپہ خلنگ ناچرجوئی نابناءِ کننگانے۔ ترجمان نیشنل کمانڈ آپریشن سنٹر نا ردا ٹ این سی او سی نا اسہ ٹیم اس مچ آ ملک انا دورہ ءِ کیک تاکہ سمارٹ لاک ڈاﺅن نا خلاف ورزی تا جاچ ءِ ہلنگ تون اوار ہندی انتظامیہ نا کمک ءِ ہم کننگ مرے و کورونا وائرس نا توننگ کن اوفتا گرج آتے ہم پورو کننگ مرے۔ وزیراعظم نا فوکل پرسن برائے کورونا وائرس ڈاکٹر فیصل سلطان دا ٹیم انا کماشی ءِ کیک۔ ترجمان نا رد اٹ ایگزیکٹو ڈائریکٹر پمز اناکنڈآن این سی او سی ءِ خصوصی بریفنگ تننگا و پاننگا کہ پمز اٹ دا وخت آ 26وینٹی لیٹر ءُ وخت اس کہ او داسہ تینا پین گرج انا بابت ہم معلومدار کرے۔ اسلام آباد انتظامیہ نا کنڈآن آگاہ کننگا کہ ایس او پی تا خلاف ورزی آ 115 بندغ ءِ ڈنڈ کننگا‘ 83دکان ءِ سیل کننگا‘ 22صنعتی یونٹ آتے سیل کننگا و 42ٹرانسپورٹر ءِ ڈنڈ کننگا۔چیف سیکرٹری بلوچستان کیپٹن (ر) فضیل اصغر نا کوئٹہ شار انا اناگت دورہ ، داوخت آ اوڑتون اوار ایڈیشنل چیف سیکرٹری داخلہحافظ عبدالباسط ، کمشنر کوئٹہ ڈویڑن عثمان علی خان، ڈی آئی جی کوئٹہ عبدالرزاق چیمہ و ڈپٹی کمشنر اورنگزیب بادینی اسک ئسر، چیف سیکرٹری جناح روڈ آ حکومت نا کنڈآن تروک آ رکھی گام گیج و ایس او پی تیا عملدرآمد کپننگ آ اِرا نجی بینک آتے پورو وڑاٹ سیل کننگ نا پرمان کرے وخت اس کہ طوغی روڈ آ اسہ ریسٹورنٹ اسے سیل کننگ نا پرمان جاری کرے۔ اوپارے کہ ہراوخت اسکان کوروناوائرس نا زہم آک اریر ننے رکھی گام گیج کروئی مریک و حکومتی فیصلہ غاتا شرف ءِ کننگ آن کورونا ءِ شکست تننگ کینہ اوپارے کہ الس رکھی گام گیج آتیا عملدرآمد کپننگ ءِ ہرانا سوب آن کوروناکیس آتے ٹی ترندی اٹ ودکی مرسا ہِننگ ءِ و رکھی گام گیج و راجی فاصلہ تخپننگ نا سوب آن ہندی وڑاٹ وائرس اسہ ایلو آن تالان مننگ نا کچ اٹی ودکی مسنے اوپارے کہ کورونا نا تالانی ءِ توننگ کن الس ءِ رکھی گام گیج آتا کنڈآ چکنگ اُن اوپارے کہ او پین وخت اس ہم ہنداوڑنا دورہ کرسا کیک۔

(آن لائن /اے پی پی)